رازێ وهشێ-4-
143جارێ وانیانۆ
رازێ وهشێ-4-
شارێوەنە شیرینی ورەشیێوە فرە بە نامەش چەنە بێ .
نامە بەرکەردەکەیش بۆنەو ئینەیە بێ ، کە شیرینیەکێش وەش تامێ بێنێ .
Monday, 30 January 2012 20:37
کۆدی تایبهتی: 679
هەر پاسە شیرینیەکێ گرانێ بێنێو بەنا پینەیە موشتەریێ ئی دوکانەیە ، گر دەسەڵات دارێ بێنێ .
ساحیو دوکانو ئی شیرینی ورەشیەیە ، هەر پەشتەو دوکانەکەینە بێو
هیچ ساتەی پەی وەش ئامەی موشتەریەکان ، نێ وەرو دوکانی .
فیفیچش ئێ وەنە کە موشتەریەکێ چننە دەسەڵات دارێنێ .
ڕێوەشان پیەیوە کەم دەسەڵات بە سیپاڵێ پیسێو سەرێوە گژن ،
ئەومە لێ دوکانیو ئەنقەسی لوا لاو کابرەیوە کە موشتەریەکان وزێ ڕا .
وەڵێ ئانەیە کە بیاوۆ لاش ، ساحیو دوکانەکە جە پەشتەو دوکانەکەینە ئامە بەرو ،
موشتەریەکانش یۆیۆ لادەیو چەنی ڕێزێوە فرەی ، وەش ئامەی کابرەی کەم دەسەڵاتیش
کەردو ماتڵ بی تا کابرا گیفانەکانش بوشکنۆو ،پووڵێوە بێزۆوە پەی ئەسەو تیکێوە شیرینی .
ساحیو دوکان فرە بە ڕێزۆ ، شیرینیەکەش نیا دلێ دەسانش .
ساتێوەیچ کە زیارە ، تا دەمو بەرەی لوا چەنیشو چەمیارە پەیش .
ساتێوە کە موشتەریە کەم دەسەڵاتەکە لوا ،
دەسەڵاتدارەکێ نەتاواشا وێشا گیر بدانێو پەرساشا :
تۆ پەی موشتەریە دەسەڵاتدارەکان یاگێ وێتەنە نمەجمی ،
چەنی پەی ئی کەم دەسەڵاتەیە ئەومەی پێشوازش ؟
واتش: کابرەی کەم دەسەڵات گردو پووڵەکەیش دا پەی ئەسەو شیرینیێوە !
ئینە مایێ شانازیەنە پەی ئێمە ، ئاد ئێمەش گەورە کەردێنمێ !
ئی شیرینیە پی ئادی فرە وەش تام بێ .
ئی شیرینیە پەی دەسەڵاتداران وەشەن ،
وەلێم نە ئننە کە کابرەی کەم دەسەڵات حەزش پەنە مەکەرۆو گرینگەن پەیش .
سهرچهمه : وهرکهمهر
