بۆ مەشۆ وە سەیر وێت مەذە ئازار

چەمەن بێ سەیرەن تا چەم کەرۆ کار

ئەر مەیلت چەم بۆ نەونەمام نۆ

چەم ، خۆ قات نیەن پەی سەیرانگەو تۆ

باڵاخانەی چەم چەمەڕاکەی وێت

کوڵ بانێ وە خاک تۆز پاکەی وێت

خەیلێوەن یاساخ بێ دەنگ و باسەن

هەر پەی چەم ئەنداز سەیر تۆ خاسەن

سا وە بان چەم تۆ تەشریف باوەر

سەیر چەم و سەیر شەتاو من کەر

بێ چەم بای وە چەم نێگاذاریش کەر

پەی سەیر ساڵان ئاویاریش کەر

ئەوەند ئاو شۆر ئەسر چەم واران

سەوز کەردەن هاڵان بە وێنەی داران

(قاذر) {جەهان} چەم کەرد وە نەزەر رێت

تا وێران نەبۆ پەی سەیرانگەی وێت