ڕاسکانی مەرگ ئەومە وەرو چەمانش

هەنگامێوە کە بێهۆشە بیە فرشتێوەش دیو چەنەش پەرساش :

ئەیا مەردەیم یاوان وەرۆوە ؟

واتش : نە ، تۆ چلو یەرێ ساڵێو دوێ مانگێو هەشت ڕۆی تەرت مەنەن تا مەردەی.

دماو ئینەیە ئامۆوە هۆش پەی ئینەیە تەمام وەشۆوە بۆ ،

قەرارش پینەیە نیا کە ناوەش خانەنە بمانۆوە .

تازە ئومیدوارە بیێبێ بە ژیوەی ، هەر پی بۆنەوە چننە عەمەڵێ چەراحیێ

وێ جوانۆ کەردەیش ئەنجامێ دەی.

جەراحی پلاستیکی ، لیپۆساکشنی ، جەراحی لووتێ ،جەراحی ئەبروان...

تا یاگێوە کە ڕەنگو قژانیچش واڕا .

ئی ژەنە میان ساڵێ بیە بە کناچێوە جوانەو کەم تەمەنە .

دماو دماتەرین جەراحی جە ناوەش خانەنە وەرە دریا.

ساتێوە کە گەرەکش بێ بگنۆ ڕا بلۆوە پەی یانەی ،

خەریکە بێ جە خیاوانەنە لوەی لوێ ڕانە کە ،

زرم چەنی ئامبۆڵانسێوە ماڵاشا یۆیرەو دەرجا مەردە .

هەنگامێوە کە چەنی فرشتەو مەرگی رووبەروو بیە واتش :

پاسە خەیاڵ کەرێنێ کە واتت دماو چل ساڵێو قەیرەی تەری مەرگم میاوۆ وەرۆ،

پچی وەرو ئامبۆڵانسەکەینە ناوەردانێت ئیلا ؟ پچی ئیسە مەردێنانێ ؟

فرشتەکەی وات:

بوەخشە ساتێوە کە خەریکە بیشی ،

خیاوانەنە لوەی لویشی ڕانە ، نەشناسەیم !